जीवन विकास लघुवित्तको लाभांश घोषणा, बोनस र नगद कति ? 

काठमाडौं : जीवन विकास लघुवित्त वित्तीय संस्था लिमिटेडले लाभांश घोषणा गरेको छ । संस्थाको पुस ४ गते शुक्रबार बसेको सञ्चालक समितिको बैठकले गत आर्थिक वर्षको मुनाफाबाट शेयरधनीहरुलाई १४.७३६८ प्रतिशत लाभांश वितरण गर्ने निर्णय गरेको हो ।

Sponsored Advertisement

लघुवित्तले हाल कायम चुक्ता पूँजीको ५ प्रतिशतका दरले हुन आउने २१ करोड ५० लाख ६४ हजार १६ रुपैयाँ बराबरको बोनस शेयर र सोको कर प्रयोजनका लागि ०.७३६८ प्रतिशतका दरले हुन आउने एक करोड १३ लाख १९ हजार १६१ रुपैयाँ बराबरको नगद लाभांश वितरण गर्ने घोषणा गरेको हो।

प्रस्तावित लाभांश नेपाल राष्ट्र बैंकबाट स्वीकृत भई संस्थाको आगामी वार्षिक साधारण सभाले पारित गरेपछि शेयरधनीहरुमा वितरण गरिनेछ।

हाल संस्थाको चुक्ता पुँजी एक अर्ब ५३ करोड ६१ लाख ७१ हजार ५४६ रुपैयाँ रहेको छ । बोनस शेयर वितरण पश्चात लघुवित्तको चुक्ता पुँजी एक अर्ब ७५ करोड १२ लाख ३५ हजार ५६२ रुपैयाँ पुग्नेछ ।